||


البلد- ام الفحم


“بتوجه عبر صفحتكم عشان توصل لاكبر عدد من الناس وكثير تلبكت قبل لاحكي بس الساكت عن الحق هو شيطان اخرس وانا تعلمت ما اسكت عن الحق ولا اكذب 

انا طالبة بتعلم بالبلاد سنة اخيرة 

الحمدلله بعمري ما احتجت اي مساعدة من حدا الا كنت اوخذ منح مثل الطلاب وكنت اشتغل طول فترة تعليمي لأامن قسط التعليم

 

بس اخر سنة تعليم الشغل خف عندي شوية بسبب ضغط الدراسة والامتحانات وما قدرت اسد كل قسط تعليمي

 

توجهت لصبية ع اساس انها من جمعية ومن بلدنا بعد ما ناس حكولي انها ممكن تساعدني  بس للاسف هي الصبية طلعت كذابة ونصابة وكانت تلم مصاري ع اسمي من الناس بدون ما تعطيني اي اشي وتكذب عليهم وتقلهم اسمي وعلى اساس اني بحاجة لمصاري لدفع القسط  وانا ما اخذت اي اشي من هالمصاري الحمدلله انا بنت مرباية منيح وبفهم بالقانون منيح ومعي كثير ادلة بقدر اقاضيها فيهن بس انا كرامتي اهم من المصاري والحمدلله بعرف انه مثل ما ربنا ساعدنا بكل هالسنين راح يساعدني بهي السنة اللي ضالة لالي

 

انا بتوجه عبر صفحتكم لكل الناس وبحكيلهم انه ادعموا طلاب العلم عشان جد في طلاب محتاجة وبتتعب كثير واجبنا نساعدهم وانا اخذت عهد ع حالي بس اخلص تعليم اساعد كل طالب علم عشان انا تغلبت بتعليمي كثير

 

انا ما بدي مصاري من هي الصبية ومش مستنية منها اشي ربنا بصطفل فيها بهالشهر الفضيل 

بس اي حدا بده يتبرع من الناس لازم يتاكد مصاريه لوين رحن واذا امكن يحكي شخصيا مع الطالب او المحتاج يحكي لانه هيك بتاكد انه مصاريه رايحات لحدا محتاج مش ابصر وين رايحات 

 

بقول للصبية انه حسبي الله ونعم الوكيل فيكي بشهر رمضان الكريم وانه عيب تلمي مصاري مش عارفة وين رحتي فيهن  ع اسم ناس ثانية وتخربي سمعتها لين الناس انا مش خجلانة اني احتجت مساعدة لانه مش عيب شو بعمل عشان بقدر اخسر كل سنين تعليمي عشان اخر سنة وعشان اخر قسط لازم ادفعه وبقلها انه كثير ناس محتاجين وطلاب علم احق بهيك مصاري 

 

بتمنى انه الناس تتاكد بس تعطي منح او مساعدة لوين مساعدتهم راحت هذا اهم اشي وتاكدوا بنفسكم


تفضل بالرد

عنوان بريدك الإلكتروني لن يتم نشرة.